Soundbar 目前基本上都支援 Dobly同DTS 呢兩大環繞音效技術 嘅5.1 和 7.1 聲道。但呢部分都係屬於二維平面化嘅聲音,意思係睇一部電影嘅時候,只能感受到音效前後左右移動效果但感受唔到上下移動效果嘅聲音。所以後來就有三維沉浸式音效 (3D Surround) 嘅出現。
三維沉浸式音效環繞聲道方面,會比現有嘅5.1、7.1 聲道多出天花板嘅高空聲道(5.1.2、5.1.4 或 7.1.2 聲道)由於新增咗高空聲道,會令人感受到更全面嘅包圍感,可以感受好似飛機係頭上飛過咁栩栩如生嘅聲音。
目前支援「3D Surround」環繞音效有兩大主流規格,就係Dolby Atmos 同 DTS:X。其實對以環繞擴大機組建喇叭嘅發燒友來講唔係最新概念,但係Soundbar 中目前支援嘅並不多。所以挑選 soundbar 系統,可以注意一下有冇支援「3D Surround」環繞技術。想像只有要一支soundbar 係電視下面,就可以模擬出多達 7.1.2 聲道嘅效果!