之前奧創仔係IG小知識欄目同大家簡單講解過HDMI線，HDMI 係現時連接電視、speaker、機頂盒、遊戲機等各種影音器材最主要嘅接線。不過隨著影像規格向 4K、8K 提升，器材更新加上 HDMI 版本的變化，
不少用家對 HDMI 連接都有一些使用上嘅問題。所以今次就詳細同大家分享一下各種常見嘅HDMI 知識，同大家解開HDMI嘅疑難雜症！
A: 就如上面所講，電視、speaker、機頂盒、媒體播放器、Blu-ray 機、Soundbar、遊戲機、電腦、電腦屏幕etc…但凡有影像傳輸的影音！（多媒體、電腦產品）大部分都採用HDMI 連接傳送影像和聲音，甚至一啲純音響類器材也加入了 HDMI用作傳輸音訊或者連接電視以 ARC 回傳音效、又或者在電視上顯示設定選單。雖然會有一啲例外，不過 HDMI 的確係現時最主要的影音傳輸介面。
A: HDMI 其實有不同的插頭，就好似USB ，不過影音器材，例如電視、speaker、Blu-ray 機、媒體播放器甚至遊戲機之類，主要採用標準全尺寸嘅HDMI 插頭（HDMI-A）而相機、攝錄機等便攜器材，部分會採用細一個碼嘅Mini-HDMI 或者最小型嘅Micro-HDMI 端子。市面上亦有 Micro-HDMI 轉 HDMI（A）嘅轉插或者接線可以揀～
A:HDMI 由 2002 年1.0 版本到 2017 年2.1 版本，已經經歷咗多次更新。當中比較熱門、較多器材採用嘅版本分別係支援 3D 同ARC 嘅1.4 版、加入 4K 解像度嘅2.0 版、兼容 HDR 嘅2.0a 版，仲有最新支援 8K/60p、48Gbps 高頻寬嘅2.1 版。
A: 隨著 HDMI 版本更新陸續加入新功能，當中就包括DVD-Audio、SACD（DSD）、Auto lip-sync、3D、ARC、HDR…這些功能通常都需要輸出（e.g. Blu-ray 機、UHD Blu-ray 機）以及接收（e.g. 電視）兩邊都支援先可以使用。當中 HDMI 1.4 就加入咗3D 和 ARC；HDMI 2.0 就加入咗32 聲道和靜態 HDR；HDMI 2.1 就加入了 8K、eARC、動態 HDR 以及 VRR（Variable refresh rate）打機專用功能！
A: 作為連接影音器材嘅HDMI 線，早期其實沒有版本之分，因為無論是端子定接線，HDMI 嘅19 個接點其實由 1.0 版開始沿用至今，並冇增減，HDMI 線只需要駁通19 點嘅訊號就可以。不過連接投影機等器材，就需要例如 3 米以上嘅長線材，咁就有機會遇到訊號損耗、干擾、甚至丟失等情況，影響聲畫效果至無法傳送。
隨著聲畫尤其畫面規格嘅提升，HDMI 加入了 4K、8K、HDR、VRR 等的支援，對 HDMI 頻寬要求愈來愈高，由 HDMI 1.3、1.4 開始就引入了線材方面 Category 1/2-certified 嘅標準，到 HDMI 2.1 嘅Category 3-certified（Ultra High Speed）以確保可以完整傳送聲畫等訊號及支援全部功能。
HDMI 線材版本：
Standard HDMI：支援 1080i、720p 影像
High Speed HDMI：支援 1080p、4K/30Hz、3D、Deep Color
Premium HDMI：支援 4K/60Hz（4:2:2/10bit），頻寬為 18Gbps 以下的訊號。
Ultra High Speed HDMI：支援 4K/8K/10K HDR 的 120Hz 影像（4K 最高支援 240Hz），48Gbps 頻寬以下的訊號
A: 唔同器材配備嘅HDMI 數量有時唔一樣，通常係接收方（e.g. 電視、speaker）有比較多 HDMI 端子。（eg.電視 通常是 3 至 4 組HDMI 插頭）
而A/V speake r通常有 4 至 8 組輸入、1 至 3 組輸出, 傳送方（e.g. 機頂盒、Blu-ray 機）只有 1 至 2 組 HDMI。入門 嘅Soundbar 通常只有 1 組支援 ARC 嘅HDMI 端子，負責回傳輸出電視聲效，高階型號會多D，有 1 至 4 組 HDMI 輸入，方便切換唔同訊源。
如果要連接嘅周邊器材比較多，HDMI 輸入不夠用的話，可以考慮通過 A/V speaker或者 HDMI 切換器擴展連接。不過要留意，呢啲器材有自己支援嘅影音規格，尤其 HDMI 切換器，有時未必支援 4K/60p、部分唔可以同時傳送聲畫架！要了解一下符唔符合自己要求。HDMI 切換器（Switch）是價錢較為相宜的 HDMI 擴展方案，部分配備遙控切換訊源就更方便~
A: 普通 HDMI 線同普遍訊號線一樣採用銅等金屬作為物料。不過為了應付高速、高頻寬嘅訊號傳輸，尤其是減少長線嘅訊號干擾同損耗，「光纖 HDMI」都是常見的設計。通過線材插頭內嘅光電訊號轉換裝置，將影音內容嘅訊號轉換成光訊號進行幾乎無損的傳送！然後係線另一邊嘅轉頭進行光電轉換變返正常的電訊號。由於光訊號唔受電磁同射頻干擾，所以可以傳送更遠距離，更適合長線使用。不過就要留意光纖 HDMI 通常具有方向性，一邊要插去 Blu-ray 機、機頂盒等訊源，而另一邊則要插到電視、speaker等接收方。
A: 咁隨便買條 HDMI 線係咪啱用？其實要視乎應用情況，較短嘅HDMI 線通常較少遇到問題。不過亦可能係「仲未」遇到問題….例如平時睇戲係4K/24p 一切正常，當想試下打機用 4K/120p 畫面就出現窒格又或者平時睇串流 4K 畫面正常，之後買左 UHD Blu-ray 機睇 4K HDR 畫面就出問題。對聲畫有要求嘅朋友，買有 High Speed、Ultra Hight Speed 認證嘅HDMI 線連接和速度通過測試，比較有保障而且通常有較佳的亮度、對比和色準效果！平價線未必不能用，好多時都可以正常使用，不過就真係要試過先知….
